Schillmann 1988
Ausstellungsdatum: |
|
Rubrik: |
|
Initium: |
|
Brieftext
Ed. Élie Berger, Les registres d’Innocent IV (1243–1254) 3 (Bibliothèque des Écoles françaises d’Athènes et de Rome 2e sér. 1,3, 1897) S. 45 Nr. 5664
attendens vos fructus penitentie facientes ab hujus seculi filiis angustiis inexquisitis affligi – religionem vestram – prosecutus est gratia speciali, mandans universis arciepiscopis et episcopis per Italiam constitutis ut vos servarent immunes a juramentis que civitatum et locorum rectores super eorum sequela extorquere a vobis illicite contendebant, defendens vos, ne officia publica recipere vel nova exactionum vel alterius gravaminis subire onera contingeret vos compelli. Sed filii tenebrarum quidve mala faciant sapientes, tenebras lucem et lucem tenebras ponere didicerunt, per maligne interpretationis calumpniam sic vestram indulgentiam vacuarunt, ut gravioribus injuriis affligamini nunc quam prius cum non eratis tali privilegio communiti. Nam cum dicti rectores a vobis non possent super sequela exigere juramentum, vos ad tenendum equos et jumenta et ut eis mutuetis pecuniam pro sua voluntate compellunt, ac innumeros quasi casus excogitant quibus vos jurare compellunt, graviora onera vobis quam aliis suis civibus imponentes, nec fructus bonorum vestrorum permittunt vos pauperibus erogare, licet debitis oneribus que subire tenemini nil deperire contingat, alias plus debito et amplius solito molestantes: unde nobis humiliter supplicastis ut vobis indulgere misericorditer dignaremur ne aliquod juramentum, nisi forsan pacis et fidei, calumpnie vel testimonii, facere teneamini, et ne plus quam vestri cives in impositione onerum aggravari possitis, et ut fructus bonorum vestrorum causa pietatis valeatis personis quibus expedire videritis elargiri, et ut injuriam non patiamini propter vestrorum civium debita vel delicta, nec teneamini cum super hiis inculpabiles sitis debita solvere aliorum – licentiam super predictis omnibus auctoritate presentium concedimus postulatam – Dat. Perusii, III idus aprilis, anno VIIII°.
Handschrift
Parallelüberlieferung und Regesten
Papstregister: |
|
Clemens IV.: | - |
Richard von Pofi: | - |
Berard von Neapel: | - |
Potthast: | - |
Regesta Imperii V: | - |