Schillmann 1929

.. Episcopo Tusculano, Apostolice Sedis legato.

Obtentu dilecti filii nobilis viri Johannis comitis Montisfortis devoti nostri, qui zelo fidei ac devotionis accensus signo vivifice crucis assumpto proponit in Terre Sancte subsidium proficisci, mandamus quatinus quecumque collecta sunt vel etiam colligentur de redemptionibus, legatis, seu obventionibus votorum crucesignatorum in terris, dominio, vel feudis nobilis viri Symonis domini de Nigella, sororii dicti comitis et nobilis mulieris .. domine de Monte Morentiaco, vidue, cujus liberis est ipse comes consanguinitate conjunctus, per tuas seu cujuslibet alterius manus pro subsidio dicte terre dilecto filio .. abbati monasterii Vallium Serneii, Cisterciensis ordinis, Parisiensis diocesis, restituas et restitui facias, per eum nostro nomine reservanda, contradictores, etc., quantitatem eorum nobis tuis litteris rescripturus, non obstantibus indulgentia si qua est aliquibus ab Apostolica Sede concessa ut interdici vel excommunicari non possint per litteras apostolicas absque speciali ejusdem Sedis mandato expressam faciente de hac indulgentia mentionem, sive litteris aliquibus ab ipsa Sede impetratis vel etiam impetrandis in quibus [de] presentibus nulla mentio sit expressa. Dat. Lugduni, nobis junii, anno quarto.