Schillmann 1769

.. Cartusie ac aliis prioribus et fratribus universis Cartusiensis ordinis.

Speciali gratia et – Hinc est quod nos vestris supplicationibus inclinati, vobis universis et singulis ut laborum vestrorum de possessionibus, tam ante quam post generale concilium acquisitis, quas propriis manibus infra vestros terminos vestris sumptibus colitis, nulli decimas solvere teneamini, auctoritate presentium indulgemus, districtius inhibentes, ne quis a vobis de hujusmodi laboribus decimas exigere vel extorquere presumat. Non obstante quod alique domus vestri ordinis decimas de hujusmodi laboribus aliquando persolverint, dummodo inter vos vel aliquos vestrum, et rectores ecclesiarum, ad quas decime predicte pertinent, de ipsis solvendis pactum non intervenerit, vel tanto tempore eas solveritis, quod sufficeret alias legitime prescribenti. Nulli ergo nostre concessionis et inhibitionis, etc. Dat. Viterbii, V idus julii, anno tertio.