Schillmann 138
Ausstellungsdatum: |
|
Rubrik: |
|
Initium: |
|
Brieftext
Ed. Jules Gay / Suzanne Vitte, Les registres de Nicolas III (1277–1280) (Bibliothèque des Écoles françaises d’Athènes et de Rome 2e sér. 14, 1898–1938) S. 3 Nr. 2
aliorumque catholicorum consideratio principum, quos et desideramus attentius et speramus fidentius sic ab illo per quem reges regnant et potentes scribunt justitiam in suis regiminibus dirigi, quod ipsis per vias certas se ac sibi commissos ducentibus populos grex dominicus cure nostre commissus committentis virtute preambula in dilecta domini tabernacula inducatur. Ideoque serenitatem regiam monemus, rogamus et hortamur in domino, in remissionem tibi peccatorum suadentes, quatinus prudenter attendens a rege regum te regem datum in gentibus, ut eas regas et dirigas, vitia in illis cohibeas inserasque virtutes, sic commissas in illis tibi partes prosequi studeas, quod te pro viribus implente quod imminet in universalis injuncti nobis executione regiminis quo ad tue ditioni subjectos, nobis onere partito sit levius et ministerio tuo in hoc cooperationis adjuti efficacius circa salutem omnium salutis auctoris beneplacitum de suo munere prosequamur. Illam vero de nobis certa te volumus habere fiduciam, quod tuam ut regni tui prosperitatem paterno zelantes affectu, eum conservare proponimus et in quibus cum Deo poterimus facultate succedente favorabiliter promovere. Dat. ut supra.
In eundem modum .. regi Romanorum illustri amotis “tui specialiter”, et dicitur “tua et aliorum catholicorum consideratio etc.”
In e. m. aliis regibus.
In e. m. comitibus et nobilibus, verbis competenter mutatis.
Handschrift
Redaktion M |
Arles 60, fol. - |
Parallelüberlieferung und Regesten
Papstregister: |
|
Clemens IV.: | - |
Richard von Pofi: | - |
Berard von Neapel: |
|
Potthast: |
|
Regesta Imperii V: | - |